منتدى الأصدقاء


 
الرئيسيةبحـثالتسجيلدخول

شاطر | 
 

 قصة فلسطينية في أبيات من الشعر

اذهب الى الأسفل 
كاتب الموضوعرسالة
همسات
.
.
avatar

انثى
عدد الرسائل : 75
العمر : 34
السٌّمعَة : 0
نقاط : 3624
تاريخ التسجيل : 20/06/2008

مُساهمةموضوع: قصة فلسطينية في أبيات من الشعر   الخميس أكتوبر 09, 2008 12:49 am


الله واحد مالو ثان

القصه قصه انساني

عاشت في قديم الزمان

وأولها كان يا مكان

كان إلها أربع صبيان

محمد واحمد وغسان

وأصغرهم إسمو عدنان

لما كبروا هالصبيان

شاهدوا غدر اللئام

وسألوا امهم يا يما

ليش ما إلنا بستان؟

وينو أبونا يا يما؟

قلتيلنا انه رجعان

وليش منسكن بالخيمه؟

من دون كل الجيران

قالت امهم يا ولادي

كان إلنا أجمل بستان

حرثو أبوكم بدراعه


زرع العنب والرمان

وكله فـّي وكله مي

كله خضره واطمئنان

وبجنبو إلنا بياره

فيها الحامض والحليان

وبالبياره بير كبير

حفره أبوكم للعطشان

وقبالوا شارع طويل

بينزل دغري على بيسان

على طرفه كلو أزهار

ورد وفل واقحوان

وبغربه كان إلنا بيت

وقباله ساحه وميدان

وفي الساحه مربط للخيل

لأبوكم شيخ الفرسان

فيه القهوه وفيه الهيل

فيه حدث يا مكان

كنا نقضي فيه الليل

والقمر فوقنا سهران

منسامر ونقول يا ليل

والدنيا كلها أمان

كنتوا إنتو ولاد صغار

تنزلوا على البستان

تقطعوا من الاثمار

تلعبوا مع الأغصان

مر الزمن يا حبابي

كبر العنب والرمان

لكن الظالم يا ولادي

غادر ما إلو أمان

وهجموا علينا الأعادي

ونزلوا من البدر النسوان

سقط أبوكم يا ولادي

وهو يدافع عن البستان

والي استشهد استشهد

وتصاوبوا كل السكان

اليوم كبرتوا يا ولادي

صرتوا من رجال الشجعان

فلسطين بتستنا

بتستنا كل الفرسان

وبتنادي هي يا ولادي

حرروني من العدوان

إتطوع أحمد وغسان

ولحقوا محمد وعدنان

ونزلوا على فلسطين

حملوا المدفع والقرأن

عند حدود البياره

والقمر يرسل لمعان

واستشهدوا بالغاره

قبل ما يشوفوا البستان

وعلى باب الخيمه وقفت

ام احمد ام الشجعان

قالت يا ربي حمدك

ما غيرك إني حمدان

رايح أبكي ورايح أنوح

لكن ياربي فرحان

_________________
أهلا وسهلا بكم معنا في بيتكم الثاني ... منتدى الأصدقاء

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دانا
عضو صاعد
عضو صاعد
avatar

انثى
عدد الرسائل : 97
العمر : 29
السٌّمعَة : 0
نقاط : 3517
تاريخ التسجيل : 04/10/2008

مُساهمةموضوع: رد: قصة فلسطينية في أبيات من الشعر   الجمعة أكتوبر 10, 2008 11:04 am

فعلا انه هاي هية القصة تبعت فلسطين 8)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دانا
عضو صاعد
عضو صاعد
avatar

انثى
عدد الرسائل : 97
العمر : 29
السٌّمعَة : 0
نقاط : 3517
تاريخ التسجيل : 04/10/2008

مُساهمةموضوع: رد: قصة فلسطينية في أبيات من الشعر   الجمعة أكتوبر 10, 2008 11:04 am

هههههههههههههه سوري مو لهادا الموضوع لخبطت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المايسترو
عضو صاعد
عضو صاعد
avatar

ذكر
عدد الرسائل : 54
العمر : 31
السٌّمعَة : 0
نقاط : 3518
تاريخ التسجيل : 03/10/2008

مُساهمةموضوع: رد: قصة فلسطينية في أبيات من الشعر   السبت أكتوبر 11, 2008 12:12 am

مشكوره كتير كتير يا صاحبة (حنضله) على هذه الكلمات التي تزرع في النفس حب وطننا الام و وطن كل العرب هذه الكلمات عبرت عن كل احوال كل فلسطيني اغتصب الاحتلال وطنه وارضه وبيته وابنه وابنته ووالده ووالدته وذالك الختيار ذو 70عام وتلك الجده صاحبة الكوفيه واننا لباقون على عهد من سبقننا على طريق التحرر.



تقبلي مروري واطلب من الاعضاء ان يتميزو ويتسابقو الى هذا القسم ونشر الموضيع المميزه







المايسترو.............
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة فلسطينية في أبيات من الشعر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الأصدقاء :: منتدى الأصدقاء لفلسطين :: قسم فلسطين الأدبي-
انتقل الى: